Tennıs: Elena Rybakına Býharest týrnıriniń fınalyna shyqty
NUR-SULTAN. QazAqparat – Qazaqstandyq Elena Rybakına Býharest WTA týrnıriniń fınalyna shyqty, dep habarlaıdy QazAqparat tilshisi.
Dúnıejúzilik reıtıngte 106-orynda turǵan, 20 jasar E.Rybakına jartylaı fınalda álemniń 211-raketkasy, ıtalııalyq Martına Dı Djýzeppemen kezdesti.
Birinshi partııada qazaqstandyq tennısshi breık jasap, alǵa shyqty – 3:1. Budan keıin qarsylastar breıkpen almasty – 4:2. Aqyry bul setti Rybakına sátti aıaqtaı bildi – 6:3.
Ekinshi setti qazaqstandyq tennısshi birden breıkpen bastady – 2:0. Taǵy bir breık – 3:0. Sosyn ol esepti 5:1-ge jetkizdi. Sodan keıin matchty jeńispen túıindedi – 6:2.
Báseke bir saǵattan sál astam ýaqytqa sozyldy.
E.Rybakına júlde qory 226 750 AQSh dollaryna baǵalanǵan jarystyń fınalynda rýmynııalyq Patrıtsııa Marııa Tıgpen bas júldeni sarapqa salady.
Eske sala keteıik, budan buryn E.Rybakınanyń Býharest jarysynyń, A.Býblıktiń Nıýport týrnıriniń jartylaı fınalyna shyqqanyn, al Andreı Golýbev pen Aleksandr Nedovesovtiń juptyq synda Nur-Sultan dodasynyń jeńimpazy atanǵanyn jazǵan bolatynbyz.
