Tennıs: Elena Rybakına Berlın týrnıriniń ekinshi aınalymyna shyqty
ORAL. QazAqparat – Qazaqstannyń birinshi, álemniń 21-raketkasy Elena Rybakına Berlın WTA 500 týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi bastapqy kezdesýin álemniń 46-raketkasy, amerıkalyq Shelbı Rodjerspen ótkizdi.
Birinshi partııada amerıkalyq sportshy basymdylyq kórsetti – 6:2.
Ekinshisinde E.Rybakına ese qaıyrdy – 6:3.
Úshinshi, sheshýshi sette qazaqstandyq tennısshi jeńisti julyp aldy – 6:4.
Match barysynda qarsylastar eki breıkten jasady. E.Rybakına 9 ret eısqa qol jetkizse, Sh.Rodjers úsheýmen shekteldi.
Tartysty báseke 1 saǵat 44 mınýtqa sozyldy.
E.Rybakına júlde qory 456 myń eýrodan asatyn jarystyń ekinshi aınalymynda álemniń 13-inshi, osy dodanyń 6-raketkasy, ıspanııalyq Garbıne Mýgýrýsa nemese reıtıngte 45-orynda turǵan rýmynııalyq Sorana Kyrstıanyń bireýimen sheberlik baıqasady.
Eske sala keteıik, budan buryn Denıs Evseevtiń Almaty týrnıriniń ekinshi aınalymyna shyqqanyn jazǵan bolatynbyz.
Sondaı-aq Aleksandr Býblık London týrnırin jeńispen bastady.
