Tennıs: Elena Rybakına álemniń 1-raketkasyna jol berdi
NUR-SULTAN. QazAqparat – Qazaqstannyń birinshi, álemniń 26-raketkasy Elena Rybakına Aýstralııa ashyq chempıonatynyń tórtinshi aınalymyna shyǵa almady, dep habarlaıdy QazAqparat tilshisi.
E.Rybakına úshinshi aınalymda álemniń 1-raketkasy, aýstralııalyq Eshlı Bartımen sheberlik baıqasty.
Aýstralııalyq sportshy 20 jastaǵy qazaqstandyq tennısshini 6:3, 6:2 esebimen utty.
Báseke 1 saǵat 19 mınýtqa sozyldy.
E.Bartı shırek fınalǵa shyǵý úshin amerıkalyq Elıson Rıske nemese germanııalyq ıÝlııa Gergestiń bireýimen talasady.
Osylaısha Aýstralııa birinshiligine alǵash qatysyp otyrǵanyna qaramastan, úshinshi aınalymǵa deıin jetken E.Rybakına jekeleı synda jarys jolynan shyǵyp qaldy. Degenmen ol juptyq synda taǵy bir qazaqstandyq Zarına Dııaspen birge óz baǵyn synaıdy.
Eske sala keteıik, budan buryn Zarına Dııastyń Aýstralııa chempıonatynyń úshinshi aınalymyna shyqqanyn, ıÝlııa Pýtıntsevanyń álemniń 25-raketkasyn jeńgenin, Qazaqstan tarıhynda tuńǵysh ret úsh birdeı tennısshiniń «Úlken dýlyǵa» týrnıriniń úshinshi aınalymyna ótkenin jazǵan bolatynbyz.
