Tennıs: Elena Rybakına álemdik reıtıngide úzdik ondyqqa jaqyndady
NUR-SULTAN. QazAqparat – Qazaqstannyń birinshi raketkasy Elena Rybakına jańartylǵan álemdik reıtıngide 13-orynǵa kóterildi, dep habarlaıdy QazAqparat tilshisi.
Qazaqstan tennıs federatsııasy málim etkenindeı, qazaqstandyq sportshy óziniń rekordtyq kórsetkishine qol jetkizip, úzdik ondyqqa jaqyndady.
Taǵy bir qazaqstandyq ıÝlııa Pýtıntseva 43-satyda bolsa, Zarına Dııas 102-den 108-ge syrǵydy.
Juptyq synda E.Rybakına 50-den 52-ge tómendese, Anna Danılına 75-orynda qaldy. Jibek Qulambaeva birden 56 saty joǵarylap, 319-orynǵa jaıǵasty.
Erler arasynda Qazaqstannyń birinshi raketkasy Aleksandr Býblık 35-orynda bolsa, Dmıtrıı Popko 180-nen 177-ge, Mıhaıl Kýkýshkın 182-den 180-ge kóterildi.
Juptyq synda Andreı Golýbev 27-inshi, Melbýrn týrnıriniń fınalyna shyqqan Aleksandr Nedovesov 69-orynǵa ornyqty.
Eske sala keteıik, budan buryn Elena Rybakınanyń Adelaıda týrnırinde álemniń birinshi raketkasynan jeńilip qalǵanyn, qazaqstandyq tennısshilerdiń Aýstralııa ashyq chempıonatynyń irikteý saıysyn sátti bastaǵanyn jazǵan bolatynbyz.
Elena Rybakına taǵy bir iri doda – Sıdneı týrnırinde óner kórsetedi. Ol alǵashqy aınalymda ótken jyly irikteý saıystarynan ótip, AQSh ashyq chempıonatynyń jeńimpazy atanǵan ulybrıtanııalyq Emma Radýkanýmen sheberlik baıqasady.
