Tennıs: Elena Rybakına Adelaıda týrnıriniń shırek fınalyna shyqty
NUR-SULTAN. QazAqparat – Qazaqstannyń birinshi, álemniń 14-raketkasy Elena Rybakına Adelaıda (Aýstralııa) WTA 500 týrnıriniń shırek fınalyna shyqty, dep habarlaıdy QazAqparat tilshisi.
Jarystyń 7-raketkasy bolyp tirkelgen E.Rybakına ekinshi aınalymda dúnıejúzilik reıtıngte 90-orynda turǵan chehııalyq Marııa Boýzkovamen sheberlik baıqasty.
Birinshi partııada qazaqstandyq tennısshi 3:1 esebimen alǵa ketti. Set bitkenshe sol basymdylyǵynan aıyrylǵan joq – 6:3.
Elena ekinshi setti breıkpen bastady – 2:0. Sosyn qarsylasyna esh múmkindik bergen joq – 6:4.
Báseke saǵat jarymnan astam ýaqytqa sozyldy.
E.Rybakına júlde qory 535 myń AQSh dollary turatyn dodanyń jartylaı fınalyna shyǵý úshin álemniń 6-ynshy, osy jarystyń 3-raketkasy, grekııalyq Marııa Sakkarı nemese reıtıngte 40-satydaǵy amerıkalyq Shelbı Rodjerstiń bireýimen talasady.
Eske sala keteıik, budan buryn E.Rybakınanyń Adelaıda týrnırin jeńispen bastaǵanyn jazǵan bolatynbyz.
