Tennıs: Elena Rybakına Adelaıda týrnıriniń fınalyna shyqty
NUR-SULTAN. QazAqparat - Qazaqstannyń birinshi, álemniń 14-raketkasy Elena Rybakına Adelaıda WTA 500 týrnıriniń fınalyna shyqty, dep habarlaıdy QazAqparat tilshisi.
Qazaqstandyq tennısshi jartylaı fınalda dúnıejúzilik reıtıngte 105-reıtıngte turǵan japonııalyq Mısakı Doımen kezdesti. Birinshi partııada qazaqstandyq tennısshi 6:4 esebimen basym tústi. Ekinshi sette esep 3:3 bolǵan mezette Elena taǵy bir breık jasady. Sosyn matchty taǵy bir breıkpen támamdady - 6:3. E.Rybakına júlde qory 535 myń AQSh dollaryna baǵalanǵan jarystyń fınalynda álemniń 1-raketkasy, aýstralııalyq Eshlı Bartı nemese reıtıngte 9-satydaǵy Polsha ókili Iga Shventektiń bireýimen bas júldeni sarapqa salady. Eske sala keteıik, budan buryn Elena Rybakınanyń Adelaıda týrnıriniń shırek fınalyna shyqqanyn jazǵan bolatynbyz.
