Tennıs: Elena Rybakına Ábý-Dabı týrnıriniń shırek fınalyna shyqty
NUR-SULTAN. QazAqparat – Qazaqstannyń birinshi, álemniń 19-raketkasy Elena Rybakına Ábý-Dabı WTA 500 týrnıriniń shırek fınalyna shyqty, dep habarlaıdy QazAqparat tilshisi.
Jarystyń 6-raketkasy bolyp tirkelgen qazaqstandyq tennısshi úshinshi aınalymda álemniń 72-raketkasy, reseılik Darıa Kasatkınamen kezdesti.
Budan buryn qarsylastar ózara bir ret kezdesip, onda reseılik tennısshi basym túsken edi.
Bul joly birinshi partııada breık jasaı bilgen E.Rybakına sol basymdylyǵyn saqtaı aldy – 6:3.
Elena ekinshi setti breıkpen bastap, óz geımin aldy – 2:0. Taǵy bir breık – 3:0. Budan keıin D.Kasatkına qaıyra breık jasap, esepti qysqartty. Degenmen qazaqstandyq sportshy matchty jeńispen túıindeı bildi – 6:4.
Báseke 1 saǵattan astam ýaqytqa sozyldy.
Osylaısha E.Rybakına D.Kasatkınadan ótken jylǵy jeńilisinen qarymta qaıyrdy.
E.Rybakına jartylaı fınalǵa shyǵý úshin álemniń 10-ynshy, osy dodanyń 4-raketkasy, Belarýs ókili Arına Sobolenkomen sheberlik baıqasady. A.Sobolenko úshinshi aınalymda týnıs tennısshisi Ons Jaberdi 6:2, 6:4 esebimen tize búktirdi. Sóıtip ol ótken maýsymnyń sońynan beri qatarynan 12-inshi jeńisine qol jetkizdi.
Júlde qory 565 myń AQSh dollaryna baǵalanǵan doda 13 qańtarda aıaqtalady.
Eske sala keteıik, budan buryn E.Rybakınanyń Ábý-Dabı týrnıriniń úshinshi aınalymyna shyqqanyn jazǵan bolatynbyz.
Taǵy bir qazaqstandyq ıÝlııa Pýtıntseva búgin úshinshi aınalymda álemniń 4-raketkasy, ótken jylǵy Aýstralııa ashyq chempıonatynyń jeńimpazy, amerıkalyq Sofıa Kenınmen kortqa shyǵady.
