TENNIS: E.Korolev sporttyq mansabyn aıaqtady
ASTANA. QazAqparat - Tennısten Qazaqstan ulttyq quramasynyń múshesi Evgenıı Korolev sporttyq mansabyn aıaqtaıtyndyǵyn jarııa etti.
Ol 2010 jyldyń qańtarynan halyqaralyq týrnırlerde Qazaqstan atynan óner kórsetken edi, dep habarlady QR Tennıs federatsııasynyń baspasóz qyzmetinen.
«Sporttyq mansabymdy aıaqtaý týraly sheshim qabyldaý ońaı tıgen joq. Negizgi sebebi - densaýlyq. Sońǵy 3 jylda men óte aýyr ota jasattym, jaraqattar da syr bere bastady. Degenmen, sporttan bas tartpaımyn, óıtkeni, tennıs - bul meniń ómirim, aldaǵy ýaqytta jattyqtyrýshy bolýdy josparlaýdamyn», - dedi E.Korolev.
QR Tennıs federatsııasynyń atqarýshy dırektory Dıas Dosqaraev óz sózinde E.Korolevke elimizdegi tennıs sportynyń damýyna sińirgen zor úlesi úshin alǵysyn bildirdi.
«Ol bizdiń elimizdi halyqaralyq týrnırlerde laıyqty kórsete bildi. Qurama sapynda birde-bir oıyn jibergen joq. Onyń qatysýymen erler arasyndaǵy qurama úsh márte Devıs kýbogynyń shırek fınalyna shyqty. Ókinishke oraı, jaraqat Evgenııdiń tolyqqandy densaýlyǵyn qalpyna keltirýine ári joǵary deńgeıde óner kórsetýine múmkindik bermedi. Bul sporttyq mansapty odan ary jalǵastyrýǵa tosqaýyl boldy. Biz onyń jattyqtyrýshylyq mansabynda shyn nıetpen sáttilik tileımiz», - dedi D.Dosqaraev.
