Tennıs: Djon Mıllman qonaqjaılylyq kórsetken qazaqstandyqtarǵa rızashylyǵyn bildirdi
NUR-SULTAN. QazAqparat – Astana Open ATP 250 týrnıriniń tuńǵysh chempıony, aýstralııalyq tennısshi Djon Mıllman qonaqjaılylyq kórsetken qazaqstandyqtarǵa rızashylyǵyn bildirdi, dep habarlaıdy QazAqparat tilshisi.
D.Mıllman týrnırdi uıymdastyrýshylardyń bárine Twitter-degi paraqshasynda alǵys aıtty.
«Sizder óte aýqymdy jumys atqardyńyzdar. Alǵash ret ATP deńgeıinde ótken jarysta jeńimpaz atanǵanym úshin baqyttymyn. Qazaqtardyń qonaqjaılylyǵy bul jeńisti ereksheleı tústi», dep jazdy D.Mıllman.
Qazirgi kezde reıtıngide 38-orynda turǵan aýstralııalyq tennısshi Parıj masters týrnırine qatysýda. Ol búgin elorda dodasynda baq synaǵan taǵy bir tanymal sportshy, álemniń 42-raketkasy, serbııalyq Mıomır Ketsmanovıchpen sheberlik baıqasady.
Eske sala keteıik, budan buryn Astana Open týrnıriniń tuńǵysh chempıondary anyqtalǵanyn, Mıhaıl Kýkýshkınniń álemdik reıtıngide tórt satyǵa joǵarylaǵanyn jazǵan bolatynbyz.
