Tennıs: Dmıtrıı Popko Portýgalııadaǵy týrnırdi sátti bastady
NUR-SULTAN. QazAqparat – Qazaqstandyq Dmıtrıı Popko Portýgalııadaǵy Oeırash chellendjer týrnırin sátti bastady, dep habarlaıdy QazAqparat tilshisi.
Qazaqstan tennıs federatsııasy málim etkendeı, álemniń 159-raketkasy D.Popko júlde qory 45 myń eýrodan asatyn jarystyń alǵashqy aınalymynda dúnıejúzilik reıtıngte 250-orynda turǵan chehııalyq Dalıbor Svrchınamen kezdesti.
Eki saǵattan astam ýaqytqa sozylǵan tartysty matchta qazaqstandyq sportshy 6:4, 3:6, 6:4 esebimen jeńiske jetti.
D.Popko shırek fınalǵa shyǵý úshin álemniń 227-raketkasy, majarstandyq Djombor Pıroshpen talasady.
Qazaqstandyqtar Denıs Evseev pen Tımofeı Skatov alǵashqy aınalymnan asa almady. D.Evseev majarstandyq Fabıan Marozjanǵa jol berdi – 2:6, 3:6. Al T.Skatov tájirıbeli chehııalyq Lýkash Rosoldan utyldy – 6:7 (5:7), 6:7 (5:7).
Atalmysh jarys 10 sáýir kúni márege jetedi.
Eske sala keteıik, budan buryn Qazaqstannyń jas tennısshileri álem chempıonatynyń irikteý saıysynda jeńiske jetkenin jazǵan bolatynbyz.
Sondaı-aq qazaqstandyq qyzdar álem chempıonaty irikteý saıysynyń shırek fınalyna shyqty.
