Tennıs: Dmıtrıı Popko Lıssabon týrnıriniń jartylaı fınalyna shyqty
NUR-SULTAN. QazAqparat – Qazaqstandyq, álemniń 187-raketkasy Dmıtrıı Popko Lıssabon chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Osy jarystyń 8-raketkasy bolyp tirkelgen D.Popko áýeli ıtalııalyq Lorentso Djýstınony utty.
Ekinshi aınalymda germanııalyq Bendjamın Hassannan 6:2, 6:4 esebimen basym tústi.
Búgin D.Popko shırek fınalda reıtıngte 238-oryndaǵy portýgalııalyq Joao Domıngeshpen kezdesti.
Úsh saǵatqa jýyq ýaqytqa sozylǵan tartysty matchta qazaqstandyq tennısshi qarsylasyn 6:7 (4:7), 7:5, 6:0 esebimen tize búktirdi.
D.Popko fınalǵa shyǵý úshin álemniń 116-raketkasy, frantsııalyq Hıýgo Gaston nemese reıtıngte 160-satydaǵy germanııalyq Sedrık-Marsel Shtebeniń bireýimen talasady.
Eske sala keteıik, budan buryn Elena Rybakınanyń Chıkago jarysynyń shırek fınalyna, ıÝlııa Pýtıntsevanyń Astana Open týrnıriniń fınalyna shyqqanyn jazǵan bolatynbyz.
