Tennıs: Dmıtrıı Popko Lıssabon týrnıriniń shırek fınalyna shyqty
NUR-SULTAN. QazAqparat – Qazaqstandyq Dmıtrıı Popko Lıssabon (Portýgalııa) chellendjer týrnıriniń shırek fınalyna shyqty, dep habarlaıdy QazAqparat tilshisi.
Álemniń 178-raketkasy D.Popko ekinshi aınalymda reıtıngte 285-orynda turǵan portýgalııalyq Gonsalý Olıveıramen kúsh synasty.
Birinshi partııada oıyn tizginin birden qolyna alǵan qazaqstandyq tennısshi sol qarqynynan jańylǵan joq – 6:2.
Ekinshi set te dál osyndaı eseppen aıaqtaldy.
Báseke 1 saǵat 26 mınýtqa sozyldy.
D.Popko bastapqy kezdesýinde brazılııalyq Joan Menezeshti 6:3, 6:4 esebimen tize búktirgen bolatyn. Endi ol jartylaı fınalǵa shyǵý úshin álemniń 111-inshi, osy dodanyń 2-raketkasy, taǵy bir portýgalııalyq Pedro Soýsa nemese reıtıngte 248-satydaǵy frantsııalyq Ýgo Greneniń bireýimen talasady.
Eske sala keteıik, budan buryn A.Býblıktiń juptyq synda Sankt-Peterbýrg týrnıriniń jartylaı fınalyna shyqqanyn jazǵan bolatynbyz.
A.Býblık búgin jekeleı synda shırek fınalǵa shyǵý úshin álemniń 21-raketkasy, kanadalyq Mılosh Raonıchpen sheberlik baıqasady.
