Tennıs: Dmıtrıı Popko Lıssabon týrnıriniń fınalyna ótti
NUR-SULTAN. QazAqparat – Qazaqstandyq, álemniń 187-raketkasy Dmıtrıı Popko Lıssabon chellendjer týrnıriniń fınalyna ótti, dep habarlaıdy QazAqparat tilshisi.
D.Popko jartylaı fınalda álemniń 116-ynshy, jarystyń 3-raketkasy, frantsııalyq Hıýgo Gastonmen kortqa shyqty.
Qazaqstandyq tennısshi 1 saǵat 20 mınýtqa sozylǵan matchta 6:3, 6:4 esebimen jeńiske jetti.
Báseke barysynda D.Popko 2 eıs jasap, 8 breık-poınttyń teń jartysyn paıdalana bildi. Qarsylasy 1 eıs, 2 breıkten (4 breık-poınt) asa almady.
D.Popko fınalda dúnıejúzilik reıtıngte 258-satyda turǵan ıtalııalyq Andrea Pellegrınomen bas júlde úshin talasady.
Italııalyq tennısshi jartylaı fınalda álemniń 122-raketkasy, slovakııalyq Andreı Martınmen kezdesti. Esep 6:7 (5:7), 0:1 bolǵan kezde Martın matchty jalǵastyrýdan bas tartty.
Eske sala keteıik, budan buryn Dmıtrıı Popkonyń Lıssabon týrnıriniń, Elena Rybakına Chıkago jarysynyń jartylaı fınalyna shyqqanyn jazǵan bolatynbyz.
ıÝlııa Pýtıntseva Astana Open týrnıriniń fınalynda jeńilip qaldy.
