Tennıs: Dmıtrıı Popko Lıssabon týrnıriniń chempıony atandy
NUR-SULTAN. QazAqparat – Qazaqstandyq Dmıtrıı Popko Lıssabon chellendjer týrnıriniń chempıony atandy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, dúnıejúzilik reıtıngte 187-orynda turǵan qazaqstandyq sportshy fınalda ıtalııalyq Andrea Pellegrınony 6:2, 6:4 esebimen jeńdi.
Eki saǵatqa jýyq sozylǵan match barysynda Popko 1 eıs jasap, 5 breık-poınttyń tórteýin paıdalandy. Qarsylasy 1 breıkten asa almady.
Bul olardyń ózara alǵashqy kezdesýi edi.
Buǵan deıin D.Popko eki márte osyndaı dodanyń fınalynda óner kórsetip, jeńilip qalǵan edi. Sóıtip óz sporttyq jolynda chellendj týrnırlerindegi birinshi tabysyna qol jetkizip otyr.
Portýgalııadaǵy jarystyń qorytyndysyna sáıkes D.Popko ATP reıtıngisinde 164-orynǵa kóteriledi. Bul onyń úzdik kórsetkishi bolmaq.
Eske sala keteıik, budan buryn ıÝlııa Pýtıntseva Astana Open týrnıriniń fınalynda jeńilip qalǵanyn, Dmıtrıı Popkonyń Lıssabon fınalyna ótkenin jazǵan bolatynbyz.
Elena Rybakına Chıkago týrnıriniń fınalyna shyǵa almady.
