Tennıs: Dmıtrıı Popko Italııadaǵy týrnırdi sátti bastady
NUR-SULTAN. QazAqparat – Qazaqstandyq Dmıtrıı Popko Italııadaǵy Bella chellendjer týrnırin sátti bastady, dep habarlaıdy QazAqparat tilshisi.
Dúnıejúzilik reıtıngte 170-orynda turǵan D.Popko alǵashqy aınalymda álemniń 88-inshi, osy dodanyń 2-raketkasy, amerıkalyq Sebastıan Kordamen kúsh synasty.
Qazaqstandyq tennısshi 6:4, 6:3 esebimen eki partııada jeńiske jetti.
Báseke 1 saǵat 10 mınýtqa sozyldy.
D.Popko shırek fınalǵa shyǵý úshin álemniń 187-raketkasy, latvııalyq Ernest Gýlbıs nemese reıtıngte 373-satydaǵy ıtalııalyq Raýl Brankachchıonyń bireýimen talasady.
Italııadaǵy doda 21 aqpanda aıaqtalady.
Bul – Bellada ótip otyrǵan osymen ekinshi týrnır. Budan buryn 14 aqpanda márege jetken dál osyndaı jarysta D.Popko ekinshi aınalymnan asa almaǵan edi.
Eske sala keteıik, budan buryn Zarına Dııastyń Melbýrn týrnıriniń úshinshi aınalymyna shyqqanyn jazǵan bolatynbyz.
Zarına Dııas shırek fınal joldamasy úshin álemniń 9-raketkasy, 2019 jylǵy AQSh chempıonatynyń jeńimpazy, kanadalyq Bıanka Andreeskýmen synǵa túsedi.
