Tennıs: Dmıtrıı Popko Barselona týrnırin sátti bastady
NUR-SULTAN. QazAqparat – Qazaqstandyq Dmıtrıı Popko Barselona chellendjer týrnırin sátti bastady, dep habarlaıdy QazAqparat tilshisi.
Dúnıejúzilik reıtıngte 171-orynda turǵan D.Popko bastapqy kezdesýin álemniń 242-raketkasy, ıspanııalyq Nıkola Kýnmen ótkizdi.
Birinshi partııada kort ıesi 3:1 esebimen alǵa ketkenimen, qazaqstandyq tennısshi qýyp jetti. Sodan keıin 7:5 esebimen basym tústi.
Ekinshi sette de D.Popko sheberligin tanyta bildi – 6:4.
Báseke 1 saǵat 50 mınýtqa sozyldy.
D.Popko 11 qazanda márege jetetin jarystyń shırek fınalyna shyǵý úshin álemniń 129-raketkasy, argentınalyq Fakýndo Banıs nemese 161-satydaǵy portýgalııalyq Joao Domıngeshtiń bireýimen talasady.
Eske sala keteıik, budan buryn Elena Rybakınanyń Rolan Garros týrnırinde utylyp qalǵanyn jazǵan bolatynbyz.
Parıjde E.Rybakınany jeńgen frantsııalyq Fıona Ferro keshe amerıkalyq Sofııa Kenınge 6:2, 2:6, 1:6 esebimen ese jiberip, shırek fınalǵa shyǵa almady. Al Zarına Dııasty joldan taıdyrǵan Týnıs ókili Ons Jaber búgin taǵy bir amerıkalyq Danıel Kollınzden (4:6, 6:4, 4:6) utylyp, ol da shırek fınalǵa óte almady.
Al ekinshi aınalymda ıÝlııa Pýtıntsevany utyp ketken argentınalyq, reıtıngte 131- oryndaǵy, túbi ýkraınalyq Nadıa Podoroska kútpegen nátıjelerge qol jetkizdi. Ol búgin álemniń 5-raketkasy, ýkraınalyq Elına Svıtolınany (6:2, 6:4) qapy qaldyryp, óz sporttyq jolynda alǵash ret «Úlken dýlyǵa» týrnıriniń jartylaı fınalyna shyqty.
