Tennıs: Dmıtrıı Popko Aýstralııa chempıonatynda irikteý saıystarynyń fınalyna shyqty
NUR-SULTAN. QazAqparat – Qazaqstandyq Dmıtrıı Popko Aýstralııa ashyq chempıonaty irikteý saıystarynyń fınalyna shyqty, dep habarlaıdy QazAqparat tilshisi.
Dúnıejúzilik reıtıngte 184-orynda turǵan D.Popko irikteý saıystarynyń jartylaı fınalynda álemniń 197-raketkasy, frantsııalyq Entso Kokomen kezdesti.
Buǵan deıin Aýstralııa ashyq birinshiliginiń irikteý saıysyn sátti bastaǵan qazaqstandyq tennısshi birinshi partııada basym tústi – 6:3.
Ekinshi sette frantsııalyq sportshy dál sondaı eseppen ese qaıyrdy – 6:3.
Úshinshi, sheshýshi partııada D.Popko matchty óz paıdasyna sheshe bildi – 6:3.
Tartysty báseke 1 saǵat 53 mınýtqa sozyldy.
D.Popko irikteý saıystarynyń fınalynda reıtıngte 229-oryndaǵy, 21 jastaǵy frantsııalyq Ellıot Benshetrımen sheberlik baıqasady. Ol búgin reıtıngte 104-satyda turǵan, irikteý saıystarynyń 4-raketkasy bolyp tirkelgen fınlıandııalyq Emıl Rýýsývýorıdi 6:4, 0:6, 7:6 (10:3) esebimen utty.
Qazaqstandyq sportshy E.Benshetrıdi jeńse, 20 qańtarda bastalatyn negizgi dodaǵa joldama alady.
Eske sala keteıik, budan buryn Elena Rybakınanyń Hobart týrnıriniń jartylaı fınalyna shyqqanyn, Aýstralııa ashyq chempıonatynda qazaqstandyq tennısshilerdiń qarsylastary anyqtalǵanyn jazǵan bolatynbyz.
