Tennıs: Dmıtrıı Popko Antalııa týrnıriniń ekinshi aınalymyna shyqty
NUR-SULTAN. QazAqparat – Qazaqstandyq, álemniń 168-raketkasy Dmıtrıı Popko Antalııa chellendjer týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi alǵashqy kezdesýin dúnıejúzilik reıtıngte 237-orynda turǵan argentınalyq Fakýndo Menamen ótkizdi.
Qazaqstan tennıs federatsııasy málim etkenindeı, D.Popko 1 saǵat 46 mınýtqa sozylǵan matchta 7:6 (7:4), 6:3 esebimen jeńiske jetti. Ol eki ret eıs jasap, tórt márte breıkke qol jetkizdi.
D.Popko shırek fınalǵa shyǵý úshin álemniń 127-inshi, osy dodanyń 6-raketkasy, taǵy bir argentınalyq Fakýndo Bagnıspen kúsh synasady.
Qazaqstandyq tennısshi bıyl jaraqatyna baılanysty jarystarǵa, sonyń ishinde Aýstralııa ashyq chempıonatynyń irikteý saıysyna qatysa almaı, reıtıngidegi orny tómendep ketken bolatyn.
D.Popko ekinshi aınalymǵa shyǵý arqyly 730 AQSh dollaryn taýyp, Kásipqoı tennısshiler qaýymdastyǵynyń (ATP) reıtıngisi úshin 7 upaıǵa qol jetkizdi.
Eske sala keteıik, budan buryn Mıhaıl Kýkýshkınniń Melbýrn týrnırin jeńispen bastaǵanyn jazǵan bolatynbyz.
