Tennıs: Dmıtrıı Popko Almaty týrnıriniń fınalyna shyǵa almady
NUR-SULTAN. QazAqparat – Qazaqstandyq, álemniń 195- raketkasy Dmıtrıı Popko Almaty chellendjer týrnıriniń fınalyna shyǵa almady, dep habarlaıdy QazAqparat tilshisi.
Osy jarystyń 6-raketkasy bolyp tirkelgen D.Popko jartylaı fınalda dúnıejúzilik reıtıngte 259-orynda turǵan belgııalyq Zızý Bergspen kúsh synasty.
Birinshi partııany D.Popko breıkpen bastaǵanymen, qarsylasy teńestirip otyrdy. Degenmen 6:5 esebimen alǵa shyqqan qazaqstandyq tennısshi óz geımin ala bildi – 7:5.
Ekinshi setti 22 jastaǵy belgııalyq sportshy óz esebine jazdy – 6:3.
Úshinshi, sheshýshi partııada Z.Bergs 5:1 esebimen alǵa ketti.
Osydan keıin D.Popko jarysty jalǵastyrýdan bas tartty. Báseke 2 saǵattan astam ýaqytqa sozyldy.
Belgııalyq tennısshi fınalda taǵy bir qazaqstandyq Tımofeı Skatovpen kortqa shyǵady.
Eske sala keteıik, budan buryn qazaqstandyq tennısshiniń Bratıslavadaǵy týrnırdiń, T.Skatovtyń Almaty jarysynyń fınalyna shyqqanyn jazǵan bolatynbyz.
