Tennıs: Dmıtrıı Popko Almaty týrnıriniń birinshi raketkasyn utty
NUR-SULTAN. QazAqparat – Qazaqstandyq Dmıtrıı Popko Almaty chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Dúnıejúzilik reıtıngte 195-orynda turǵan D.Popko shırek fınalda álemniń 108-inshi, osy dodanyń 1-raketkasy, slovakııalyq Andreı Martınmen sheberlik baıqasty.
Birinshi partııada breık jasaǵan qazaqstandyq tennısshi esep 5:4 bolǵanda setke dop bergenimen, ony paıdalana almady. Degenmen qaıyra breık jasap, ekinshi múmkindigin múlt jibermedi – 7:5.
D.Popko ekinshi setti de breıkpen bastap, alǵa ketti. Aqyry sol basymdylyǵyn saqtap qaldy – 6:4.
Tartysty báseke 1 saǵat 42 mınýtqa sozyldy.
D.Popko fınalǵa shyǵý úshin reıtıngte 259-satydaǵy belgııalyq Zızý Bergspen talasady. Ol shırek fınalda álemniń 174-inshi, osy jarystyń 3-raketkasy, otandasy Kımmer Koppeıansty 6:3, 2:6, 6:4 esebimen utty.
Eger D.Popko men T.Skatov jartylaı fınalda qarsylastaryn jeńse, fınalda ózara kezdesedi.
Eske sala keteıik, budan buryn qazaqstandyq juptyń tuńǵysh ret Rolan Garros jarysynyń fınalyna ótkenin, Zarına Dııastyń Nottıngem týrnıriniń shırek fınalyna shyǵa almaǵanyn jazǵan bolatynbyz.
Sondaı-aq Tımofeı Skatov Almaty týrnıriniń jartylaı fınalyna shyqty.
