Tennıs: Dmıtrıı Popko AQSh-taǵy týrnırdiń fınalyna shyqty
NUR-SULTAN. QazAqparat - Qazaqstandyq tennısshi Dmıtrıı Popko AQSh-taǵy Vero Bıch ITF týrnıriniń fınalyna shyqty, dep habarlaıdy QazAqparat tilshisi.
Dmıtrıı Popko jartylaı fınalda amerıkalyq Pol Osterbanmen sheberlik baıqasty.
Qazaqstandyq tennısshi álemdik reıtıngte 608-orynda tursa, qarsylasy 682-satyda edi.
Dmıtrıı Popko 6:2, 6:1 esebimen aıqyn basymdylyqpen jeńiske jetti.
Qazaqstandyq tennısshi fınalda taǵy bir amerıkalyq, osy týrnırdiń ekinshi, álemniń 400-raketkasy Seký Bangýra nemese Ekvador eliniń ókili Dıego Idalgonyń bireýimen chempıondyq ataq úshin synǵa túsedi.
Eske sala keteıik, budan buryn Dmıtrıı Popkonyń atalmysh jarystyń jartylaı fınalyna shyqqanyn jazǵan bolatynbyz.
Áıelder arasynda Zarına Dııas Japonııadaǵy jarystyń shırek, jartylaı fınaldarynan ótip, sońǵy básekege joldama aldy. Al ıÝlııa Pýtıntseva Madrıd týrnırin jeńispen bastady.
