Tennıs: Dmıtrıı Popko AQSh-taǵy týrnırdiń chempıony atandy
NUR-SULTAN. QazAqparat - Qazaqstandyq Dmıtrıı Popko AQSh-taǵy Vero Bıch ITF týrnıriniń chempıony atandy, dep habarlaıdy QazAqparat tilshisi.
Dúnıejúzilik reıtıngte 608-orynda turǵan qazaqstandyq tennısshi sońǵy básekede amerıkalyq, osy týrnırdiń ekinshi, álemniń 400-raketkasy Seký Bangýramen synǵa tústi.
Birinshi sette D.Popko qarsylasyn bet qaratpady - 6:1.
Ekinshi partııa áldeqaıda tartysty órbip, esep 6:5 bolǵan mezette Bangýra taǵy bir breık jasap, tarazy basyn teńestire aldy. Degenmen taı-breıkte Dmıtrıı Popko esh múmkindik qaldyrmady - 7:1.
Fınaldyq báseke eki saǵatqa jýyq ýaqytqa sozyldy.
Osylaısha D.Popko ITF jarystarynda kezekti jeńisine qol jetkizdi.
Eske sala keteıik, budan buryn Dmıtrıı Popkonyń AQSh-taǵy Vero Bıch ITF dodasynyń fınalyna shyǵyp, Zarına Dııastyń Japonııadaǵy Gıfý jarysynyń jeńimpazy atanǵanyn, taǵy bir qazaqstandyq ıÝlııa Pýtıntsevanyń Madrıd týrnırin jeńispen bastaǵanyn jazǵan bolatynbyz.
ıÝ.Pýtıntsevanyń ekinshi aınalymdaǵy qarsylasy belgili boldy. Álemniń 6-raketkasy, ýkraınalyq Elına Svıtolınany utqan frantsııalyq, reıtıngte 69-satydaǵy Polın Parmante endi qazaqstandyq sportshynyń babyn baıqap kóredi.
Qazaqstannyń birinshi, álemniń 40-raketkasy Mıhaıl Kýkýshkın erler arasyndaǵy Madrıd týrnıriniń alǵashqy aınalymynda reıtıngte 41-oryndaǵy germanııalyq Fılıpp Kolshraıbermen kortqa shyǵady.
