Tennıs: Dmıtrıı Popko AQSh-taǵy týrnırde bir kúnde úsh jeńiske qol jetkizdi
NUR-SULTAN. QazAqparat – Qazaqstandyq tennısshi Dmıtrıı Popko AQSh-taǵy týrnırde bir kúnde úsh jeńiske qol jetkizdi, dep habarlaıdy QazAqparat tilshisi.
Ulttyq olımpıada komıtetinen málim etkenindeı, D.Popko All Lower level tournaments týrnırinde óner kórsetýdi jalǵastyrýda.
Keshe qazaqstandyq tennısshi kortqa úsh márte shyǵyp, úsheýinde de qarsylastaryn qapy qaldyrdy.
D.Popko áýeli kanadalyq Lıam Draksldan 6:3, 3:6, 10:3 esebimen basym tústi. Sosyn amerıkalyq Evan Kıngtiń 7:5, 7:6 esebimen meselin qaıyrdy.
Kezekti jarys kúniniń qorytyndysynda qazaqstandyq sportshy chılılik Alehandro Tabılony 3:6, 6:1, 10:7 esebimen tize búktirdi.
Bir kún buryn D.Popko amerıkalyq Kennon Kıngslıdi 7:6, 4:6, 10:4 esebimen utqan edi. Ol tek argentınalyq Hordı Arkonadege ǵana 6:3, 3:7, 6:10 esebimen jol berdi.
Іndet kezinde mundaı dodalar jeńildetilgen erejemen ótkizilýde.
Eske sala keteıik, budan buryn ITF-den tennıs maýsymy qashan bastalatynyn jazǵan bolatynbyz.
