Tennıs: Dııas Taıbeı týrnıriniń ekinshi aınalymyna ótti
ASTANA. QazAqparat - Qazaqstandyq Zarına Dııas Taıbeıde ótip jatqan halyqaralyq týrnırdiń birinshi aınalymynda reseılik Anna Blınkovamen kezdesti, dep habarlaıdy «QazAqparat» tilshisi.
Birinshi partııada Zarına 6:2 esebimen onsha qınalmaı, jeńiske jetti. Barlyǵy 1 saǵat 29 mınýtqa sozylǵan básekeniń ekinshi partııasy tartysty boldy. Esep 3:5 bolyp turǵan mezette qazaqstandyq tennısshi óz geımin alýmen birge breık jasaı bildi. Sosyn esepti teńestirip qana qoımaı, taǵy bir breıkke qol jetkizip, 7:5 esebimen matchty aıaqtady.
Jarystyń altynshy raketkasy bolyp tirkelgen Zarına ekinshi aınalymda rýmynııalyq Monıka Nıkýleský nemese Týnıs eliniń ókili Ons Jaberdiń qaı jeńgenimen kortqa shyǵady.
Osylaısha, Taıbeı týrnıri (júlde qory - 226750 AQSh dollary) qazaqstandyq tennısshiler úshin sátti bastaldy. Munyń aldynda ıÝlııa Pýtıntseva japonııalyq Dzıýnrı Namıgatany 6:2, 6:4 esebimen tize búktirgen bolatyn.
Alǵashqy aınalymda kútpegen nátıje de tirkeldi. Osy týrnırdiń ekinshi raketkasy, qytaılyq Chjan Shýaı ýkraınalyq Katerına Kozlovadan jeńilip qaldy.
Atalmysh jarys 4 aqpan kúni márege jetedi.
