Tennıs: Dııas pen Pýtıntseva Qazaqstanǵa jeńis áperdi
ASTANA. QazAqparat - Nıý-Delı qalasynda Federatsııa kýbogy úshin ótip jatqan tennıs jarysynda Qazaqstan quramasy Úndistannan basym tústi, dep habarlaıdy «QazAqparat» tilshisi.
Birinshi kezdesýde Zarına Dııas qarsylasyn utqanymen, ekinshi oıynda ıÝlııa Pýtıntseva jeńilip qalǵan bolatyn. Sondyqtan sheshýshi, úshinshi básekege Z.Dııas pen ıÝ.Pýtıntsevanyń shyǵýyna týra keldi. Olar juptyq synda úndistandyqtar Ankıta Raına men Prathana Thombaremen sheberlik baıqasty.
Qazaqstandyqtar birinshi partııany 6:0 esebimen bet qaratpaı utty. Ekinshi partııa da 6:4 esebimen qazaqstandyq juptyń jeńisimen aıaqtaldy. Bul match nebári 1 saǵat 3 mınýtqa sozyldy.
Osylaısha, qazaqstandyqtar Úndistan quramasyn 2:1 esebimen tize búktirdi.
Eske sala keteıik, keshe qazaqstandyqtar Gonkong eliniń ókilderin 3:0 esebimen jeńgen bolatyn. Erteń Qazaqstan osy A tobynda Qytaı quramasymen birinshi oryn úshin talasady. Qytaılyqtardyń da enshisinde eki jeńis bar. Bul topta jeńimpaz atanǵan qurama V tobynda úzdik shyqqan komandamen ІІ Álemdik lıganyń pleı-off kezeńine beriletin joldamany sarapqa salady.
