Tennıs: Dıas Dosqaraev Qazaqstannyń Federatsııa kýbogyndaǵy basty qarsylastaryn atady
Elordada ótetin osy saıysta tennıs jankúıerleri Qytaı, Taıland, Úndistan, Qazaqstan, Ońtústik Koreıa, Indonezııanyń úzdik tennısshilerin kórýge múmkindik alady.
Jerebe nátıjesi boıynsha Qazaqstan quramasy Azııa/Okeanııa aýmaǵynyń І tobynyń matchynda «A» tobynda Úndistan men Taıland elderiniń oıyshylarymen kezdesedi. «V» tobynda Qytaı, Ońtústik Koreıa, Indonezııa men Okeanııa tennısshileri ózara myqtyny anyqtaıdy. Osydan keıin «A» jáne «V» tobynan iriktelip shyqqan komandalar ІІ Álemdik toptyń pleı-ofyna joldamany sarapqa salady.
«Federatsııa Kýbogy - ózderińiz biletindeı úlken jarys. Bizdiń elimizdegi tennısten ótetin saıysqa álemniń eń myqty komandalary jınalyp otyr. Qazaqstannyń atynan shyǵyp júrgen eń myqty oıynshylar da, minekeı, elimizge kelip, óner kórsetedi. Bizdiń maqsatymyz - Álemdik toptyń pleı-ofynyń deńgeıine shyǵý. 2013 jáne 2017 jyly ol kezeńde bolǵanbyz. Sol sebepti bul jerde jaqsy múmkindik týyp otyr. Tennısshilerimizdiń daıyndyǵy jaqsy. Birinshi raketkamyz ıÝlııa Pýtıntseva bolsa, ekinshi raketkamyz Zarına Dıas bolyp otyr. Jupty oıynnan kásiptik oıynǵa Galına Voskobaeva keldi. Byltyr biz Úndistanda Japonııa komandasynan jeńilip qalǵan bolatynbyz. Japonııa keıin Álem tobyna oraldy. Azııa-Okeanııa toby óte myqty. Sol sebepti ońaı bolmaıdy. Eń myqty qarsylastarymyz - topta Úndistan desek, fınalǵa ótsek, Qytaı komandasy myqty bolyp otyr», - dedi Astanada ótken baspasóz máslıhatynda tennısten Qazaqstan quramasynyń kapıtany Dıas Dosqaraev.
Qazaqstan namysyn saıysta Zarına Dıas, ıÝlııa Pýtıntseva, Galına Voskobaeva, Anna Danılına, men Gózál Aınıtdınova qorǵaıdy.
Qazaqstan quramasynyń matchtary 6,8, jáne 9 aqpan kúnderi saǵat 11.00-de bastalady. Fınal 11 aqpan kúni saǵat 11.00-de ótkiziledi.