Tennıs: Devıs Kýbogynyń jerebesi tartyldy
ASTANA. QazAqparat - Búgin QR Ulttyq mýzeıinde tennısten Devıs Kýbogy oıyndary qarsańynda Qazaqstan jáne Argentına ulttyq komandalarynyń jerebe tartý rásimi ótti, dep habarlaıdy QazAqparat tilshisi.
Devıs Kýbogynyń jerebe tartý rásimi jańa formatta, qazaqy naqyshta ótti. Sharaǵa Argentına tennıs federatsııasynyń prezıdenti Armanda Chervone, Halyqaralyq tenıs federatsııasynyń ókili Ingrıd Lofdal-Bentser, Devıs Kýbogynyń bas tóreshisi Roberto Ranerı jáne Qazaqstan men Argentına komandalary qatysty.
Jerebe boıynsha 15 qyrkúıekte Mıhaıl Kýkýshkın Gvıdo Pelıamen kezdesse, Dmıtrıı Popko Dıego Shvartsmanǵa qarsy kúsh synasady. Al 16 qyrkúıekte Mıhaıl Kýkýshkın men Aleksandr Nedovesov juby Maksımo Gonsales pen Andres Moltenı jubymen myqtyny anyqtaıdy. 17 qyrkúıekte Mıhaıl Kýkýshkın Dıego Shvartsmanmen qarsy oınasa, Dmıtrıı Popko Gvıdo Pelıamen kúsh synasatyn boldy.
Aıta keteıik, 15-17 qyrkúıek kúnderi aralyǵynda Astanadaǵy Ulttyq tennıs ortalyǵynda Devıs Kýbogynyń Álemdik tobyna ótý úshin Qazaqstan-Argentına arasynda pleı-off matchy ótedi.
