Tennıs: Devıs kýbogynyń pleı-off kezeńinde Qazaqstan Shveıtsarııamen oınaıdy
ASTANA. Mamyrdyń 13-i. QazAqparat /Ernur Aqanbaı/ - Keshe Londonda, Halyqaralyq tennıs federatsııasynyń shtab páterinde aǵymdaǵy jylǵy qyrkúıektiń 17-19-y kúnderi ótetin «Devıs kýbogy» álemdik tobynyń pleı-off kezeńi matchtarynyń jerebesi tartyldy.
QR Tennıs federatsııasynyń málimetinshe, bul jarysta Qazaqstan quramasyna álemniń birinshi raketkasy Rodjer Federer óner kórsetetin Shveıtsarııa quramasy qarsylas atandy. Sóıtip «Devıs kýbogy» álemdik tobynyń pleı-off matchtarynda Egor Shaldýnov jattyqtyratyn Qazaqstan quramasy óz kortynda shveıtsarııalyq sportshylardy qabyldaıtyn bolady.
Aıta keteıik, «Devıs kýbogynyń» pleı-off kezeńine Qazaqstan quramasy matchtar serııasy boıynsha qytaılyq sportshylardy 4:1 esebimen utyp shyqqan edi. Onda bizdiń komandaǵa jeńisti Andreı Golýbev, Mıhaıl Kýkýshkın jáne ıÝrıı Şýkın syılaǵan bolatyn.
Sondaı-aq, «Devıs kýbogy» álemdik tobynyń pleı-off kezeńinde myna juptar kezdesetin bolady: Úndistan - Brazılııa, Kolýmbııa - AQSh, Izraıl - Avstrııa, Germanııa - Ońtústik Afrıka Respýblıkasy, Shvetsııa - Italııa, Avstralııa - Belgııa jáne Rýmynııa - Ekvador.
