TENNIS: Devıs kýbogynda Qazaqstan quramasy serbııalyqtarmen kúsh synasady
ASTANA. QazAqparat - Chılıde 2016 jylǵy Devıs kýbogynyń jerebesi tartyldy.
Chempıonat.kom saıtynan alynǵan málimetke qaraǵanda, álemdik toptaǵy barlyq segiz jup belgili boldy. Sonyń ishinde Serbııa tennısshileri óz alańynda Qazaqstan quramasyn qabyldaıdy. Sondaı-aq Ulybrıtanııa Japonııamen, Italııa Shveıtsarııamen, Polsha Argentınamen, Frantsııa Kanadamen, Germanııa Chehııamen, Avstralııa AQSh-pen, Belgııa Horvatııamen kúsh synasady.
Serbııalyqtar 2010 jyly Devıs kýbogyn jeńip alǵany belgili. Onyń quramynda álemniń birinshi raketkasy Novak Djokovıch oınaıdy.
Aıta keteıik, bıylǵy Devıs kýbogynda Qazaqstan quramasy shırek fınalǵa deıin jetip, onda Avstralııaǵa jol bergen bolatyn. Álemdik topta qazaqstandyqtar 2011 jyldan beri óner kórsetip keledi.
