Tennıs: Devıs kýbogy reıtınginde Qazaqstan 10-orynda tur
ALMATY. 21 qyrkúıek. QazAqparat /Erlik Erjanuly/ - Keshe Devıs kýbogynyń jańartylǵan reıtıngi jarııalandy
Onda Qazaqstan úzdik ondyqtyń qatarynda tur. Reıtng boıynsha Ispanııa men Serbııa ózderiniń kóshbasshylyq ornyn saqtap qaldy. Buǵan deıin alǵashqy úshtikte turǵan Frantsııa ózin ókshelep kele jatqan Argentınaǵa oryn bosatty. 5-6 satylardaǵy Chehııa men AQSh óz oryndaryn saqtap qaldy. Reseı, Qazaqstan, Germanııa quramalary bolsa 1 satyǵa tómendep, birinshisi - 7-den 8-shi, ekinshisi - 9-dan 10-shy, úshinshisi - 8-den 9-shy oryndarǵa syrǵydy. Buryn 12-shi orynda turǵan Horvatııa 7-shi satyǵa kóterildi.
Byltyr Astanada Shveıtsarııany 5:0 esebimen oısyrata utyp Qazaqstan quramasy tuńǵysh ret Devıs kýbogy jarysynda álemniń úzdik 16 komandasynyń qataryna engen bolatyn. Bıyl bizdiń komanda bul jarysta shırek fınalǵa deıin jetip, úzdik úshtiktiń qataryna engen Argentına quramasyna ese jiberdi.
