Tennıs: Denıs Evseev juptyq synda Sankt-Peterbýrg týrnıriniń fınalyna shyqty
NUR-SULTAN. QazAqparat – Qazaqstandyq Denıs Evseev juptyq synda reseılik Konstantın Kravchýkpen birge Sankt-Peterbýrg chellendjer týrnıriniń fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, D.Evseev pen K.Kravchýk jartylaı fınalda taǵy bir qazaqstandyq Dmıtrıı Popko jáne reseılik Alekseı Vatýtınmen kezdesýi kerek edi.
Alaıda qarsylastary kortqa shyqqan joq. Osylaısha oınamastan fınalǵa joldama alǵan qazaqstandyq-reseılik jup bas júlde úshin nıderlandylyqtar Sem Verbık – Iesper de Iongpen talasady.
Fınaldyq báseke senbi kúni bolady.
Osy jarysta D.Popko jekeleı synda shırek fınalda chehııalyq Irjı Lehechkadan 4:6, 4:6 esebimen ese jiberdi.
Eske sala keteıik, budan buryn tennısten Qazaqstan chempıonatynyń jeńimpazdary anyqtalǵanyn jazǵan bolatynbyz.
