Tennıs: Denıs Evseev juptyq synda Portýgalııadaǵy týrnırdiń fınalyna shyqty
NUR-SULTAN. QazAqparat – Qazaqstandyq Denıs Evseev ıtalııalyq Rıkkardo Bonadıomen birge juptyq synda Portýgalııadaǵy Oeırash chellendjer týrnıriniń fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, qazaqstandyq-ıtalııalyq jup júlde qory 31,5 myń eýroǵa baǵalanǵan jarystyń jartylaı fınalynda reseılik Teımýraz Gabashvılı – taıbeılik Tszen Tszenmen kúsh synasty.
D.Evseev pen R.Bonadıo 6:2, 6:3 esebimen eki partııada jeńiske jetti. Olar tórt breık jasaı bilse, qarsylastary bir breıkpen shekteldi.
Qazaqstandyq-ıtalııalyq jup fınalda germanııalyqtar Mats Morvıng – Oskar Ottemen bas júldeni sarapqa salady. Olar jartylaı fınalda aýstrııalyq Lýkas Mıdler – horvatııalyq
Nıno Serdarýshıchti 6:4, 3:6, 10:8 esebimen tize búktirdi.
Eske sala keteıik, budan buryn Qazaqstannyń úzdik jas tennısshileri anyqtalǵanyn jazǵan bolatynbyz.
