Tennıs: Denıs Evseev Túrkııadaǵy týrnırdiń fınalyna shyqty
NUR-SULTAN. QazAqparat – Qazaqstandyq Denıs Evseev ýkraınalyq Vladıslav Orlovpen birge juptyq synda Antalııadaǵy (Túrkııa) ITF týrnıriniń fınalyna shyqty, dep habarlaıdy QazAqparat tilshisi.
Osy dodanyń 1-raketkasy bolyp tirkelgen Evseev pen Orlov jartylaı fınalda frantsııalyq Maksım Hamý men túrkııalyq Týna Altýnamen sheberlik baıqasty.
Qazaqstandyq-ýkraınalyq jup 6:2, 6:1 esebimen ońaı jeńiske jetti.
D.Evseev pen V.Orlov fınalda argentınalyqtar Pedro Kachın men Hýan Manýel Cherýndolo nemese latvııalyq Danıel Morozov pen Ilıa Snıtarı juptarynyń qaı jeńgenimen kortqa shyǵady.
Qazaqstan tennıs federatsııasy málim etkenindeı, atalǵan jarys qory – 15 myń AQSh dollary.
Qazaqstandyq-ýkraınalyq jup bastapqy kezdesýinde túrkııalyqtar Mert Ozdemır men Berk Ilkeldi 6:4, 6:4 esebimen tize búktirdi. Al shırek fınalda taǵy da túrkııalyqtar Mert Alkaı men Baran Chengızdi 6:2, 6:4 esebimen jeńdi.
Eske sala keteıik, budan buryn Aleksandr Býblıktiń Antalııa ATP 250 týrnıriniń fınalynda jeńilip qalǵanyn jazǵan bolatynbyz.
