Tennıs: Denıs Evseev Nur-Sultan týrnıriniń ekinshi aınalymyna shyqty
NUR-SULTAN. QazAqparat – Qazaqstandyq Denıs Evseev Nur-Sultanda Prezıdent kýbogy úshin ótip jatqan chellendjer týrnıriniń ekinshi aınalymyna shyqty, dep habarlaıdy QazAqparat tilshisi.
Dúnıejúzilik reıtıngte 305-orynda turǵan D.Evseev bastapqy kezdesýin álemniń 472-raketkasy, chehııalyq Mıhaıl Vrdenskımen ótkizdi.
Qazaqstandyq tennısshi 1 saǵat 14 mınýtqa sozylǵan básekede 6:2, 6:3 esebimen jeńiske jetti.
D.Evseev ekinshi aınalymda álemniń 233-raketkasy, aýstrııalyq Lýkas Mıdlermen kúsh synasady.
Jarysty ekinshi aınalymnan bastaıtyn osy týrnırdiń besinshi, álemniń 196-raketasy Aleksandr Nedovesov reıtıngte 365-satydaǵy argentınalyq Fakýnda Menamen sheberlik baıqasady.
Basqa qazaqstandyqtar birinshi aınalymnan asa almady. Búgin Andreı Golýbev Izraıl eliniń ókili Edan Leshemge 6:7, 4:6 esebimen ese jiberdi.
Nur-Sultanda sondaı-aq áıelder de synǵa túsýde.
Ótkizile bastaǵanyna 27 jyl bolǵan Prezıdent kýbogy úshin týrnır (jalpy júlde qory – 215 myń AQSh dollary) 21 shildede márege jetedi.
Eske sala keteıik, budan buryn Elena Rybakınanyń Býharest týrnırin jeńispen bastaǵanyn jazǵan bolatynbyz.
