Tennıs: Denıs Evseev Belgııada irikteý saıystarynyń fınalyna shyqty

ASTANA. KAZINFORM – Qazaqstannyń ekinshi, álemniń 184-raketkasy Denıs Evseev Ottını-Lýven-la-Nev (Belgııa) chellendjer týrnırinde irikteý saıystarynyń fınalyna shyqty.

Іrikteý jarysynyń 1-raketkasy bolyp tirkelgen qazaqstandyq tennısshige dúnıejúzilik reıtıngide nebári 1010-orynda turǵan belgııalyq Djek Loge tap kelgenimen, oıyn ońaıǵa túsken joq.

Bar sheberligin salǵan D.Evseev 6:4, 7:5 esebimen jeńiske jetti.

Bir saǵat 21 mınýtqa sozylǵan báseke barysynda Denıs 5 eıs jasap, 9 breık-poınttyń altaýyn múlt jibergen joq. D.Loge eıs jasamaǵanymen, 11 breık-poınttyń tek tórteýin ǵana paıdalandy.
Denıs Evseev irikteý saıystarynyń fınalynda álemniń 277-raketkasy, túrkııalyq Djem Ilkel nemese reıtıngide 595-satydaǵy grýzııalyq Nıkoloz Basılashvılıdiń qaı jeńgenimen kezdesedi.

Eske sala keteıik, budan buryn Aýstralııa chempıonatynda jasóspirimder arasynda Ámir Omarhanovtyń úshinshi aınalymǵa shyqqanyn jazǵan bolatynbyz.

Sondaı-aq, qazaqstandyq jas tennısshiler juptyq synda Aýstralııa chempıonatyn sátti bastady.

Qazaqstandyq tennısshi Belgııada irikteý saıysyn jeńispen bastady.