Tennıs: Denıs Evseev Almaty týrnıriniń ekinshi aınalymyna shyqty
NUR-SULTAN. QazAqparat – Almaty qalasynda erler arasynda ekinshi chellendjer týrnıri ótýde, dep habarlaıdy QazAqparat tilshisi.
Qazaqstan tennıs federatsııasy málim etkendeı, búgin qazaqstandyq Denıs Evseev jarystyń ekinshi aınalymyna shyqty.
D.Evseev bastapqy kezdesýin reseılik Evgenıı Tıýrnevpen ótkizip, 6:7 (10:12), 6:3, 7:5 esebimen jeńiske jetti.
Tartysty báseke 2 saǵat 12 mınýtqa sozyldy. Denıs bir ret eıs jasap, bes breıkke qol jetkizdi. Qarsylasy 19 eıs, 3 breık jasady.
Bul olardyń ózara alǵashqy kezdesýi edi.
Ótken aptada Almatydaǵy birinshi chellendjer jarysynyń fınalyna deıin jetken taǵy bir qazaqstandyq Tımofeı Skatov bul joly bosnııalyq Mırza Bashıchke 3:6, 1:6 esebimen ese jiberip, alǵashqy aınalymnan asa almaı qaldy.
Eske sala keteıik, budan buryn Qazaqstannan Olımpıadaǵa qatysatyn tennısshilerdiń anyqtalǵanyn jazǵan bolatynbyz.
