Tennıs: Tsıntsınnatı týrnırinde Býblık te jarys jolynan shyǵyp qaldy
NUR-SULTAN. QazAqparat – Qazaqstannyń birinshi, álemniń 51-raketkasy Aleksandr Býblık Tsıntsınnatı (AQSh) týrnırinde jarys jolynan shyǵyp qaldy, dep habarlaıdy QazAqparat tilshisi.
Koronavırýs qaterine baılanysty Nıý-Iorkta ótip jatqan, júlde qory 4,6 mln AQSh dollarynan asatyn jarystyń alǵashqy aınalymynda A.Býblık álemniń 15-raketkasy, reseılik Karen Hachanovpen kezdesti.
Týrnırdiń 11-raketkasy bolyp tirkelgen K.Hachanov 6:4, 6:4 esebimen jeńiske jetti. Ol match barysynda eki márte breık jasaı bildi.
Báseke 1 saǵat 24 mınýtqa sozyldy.
Bul tennısshilerdiń ózara birinshi kezdesýi edi.
K.Hachanov úshinshi aınalymǵa shyǵý úshin ıspanııalyq Pablo Karreno-Býstamen sheberlik baıqasady.
Tsıntsınnatı dodasynda Qazaqstannan tek ıÝlııa Pýtıntseva ǵana qaldy. Ol qytaılyq Chjan Shýaımen kortqa shyǵady.
Eske sala keteıik, budan buryn Elena Rybakınanyń Tsıntsınnatı týrnırinde jeńilip qalǵanyn, qazaqstandyq tennısshiniń Italııada jeńimpaz atanǵanyn jazǵan bolatynbyz.
