Tennıs: Charlston týrnırinde Qazaqstannyń úsh birdeı sportshysy baq synaıdy
ASTANA. QazAqparat - 6-12 sáýirde AQSh-tyń Charlston (Ońtústik Karolına) qalasynda tennısten ótetin halyqaralyq týrnırde Qazaqstannyń úsh birdeı sportshysy baq synaıdy.
Chempıonat.kom saıtynan alynǵan málimetke qaraǵanda, atalmysh jarystyń júlde qory - 731 myń AQSh dollary. Qazaqstannyń úzdik tennısshisi Zarına Dııas Charlston týrnırine 11-inshi raketka retinde qatysqaly otyr. Onyń alǵashqy qarsylasy ázirge belgisiz. Taǵy bir qazaqstandyq ıAroslava Shvedova birinshi aınalymda shveıtsarııalyq Stefanı Fegelmen kortqa shyqsa, ıÝlııa Pýtıntseva burynǵy otandasy, reseılik Evgenııa Rodınamen kúsh synasady.
Aıta keteıik, atalmysh týrnırdiń birinshi jáne ekinshi raketkalary - kanadalyq Ejenı Býshar men reseılik Ekaterına Makarova. Jarystyń ótken jylǵy jeńimpazy, germanııalyq Andrea Petkovıch úshinshi bolyp tirkelgen. Basqa da myqtylar bar. Áıelder arasyndaǵy bul báseke 1973 jyldan beri uıymdastyrylyp keledi.
