Tennıs: búgin Ýımbldon týrnıri bastalady
ASTANA. QazAqparat - Búgin Londonda tennısten «Úlken dýlyǵa» týrnıriniń biri - Ýımbldon jarysy bastalady, dep habarlaıdy «QazAqparat» tilshisi.
Championat.com saıtynan alynǵan málimetke qaraǵanda, áıelder arasyndaǵy synda Qazaqstannyń birinshi, álemniń 43-inshi raketkasy ıÝlııa Pýtıntseva 3 shilde kúni Latvııa eliniń ókili, dúnıejúzilik reıtıngte 19-ynshy orynda turǵan Anastasııa Sevastovamen kezdesedi. Bul ekeýi osyǵan deıin 2016 jyly Qytaıdyń Ýhan qalasynda bir kezdesý ótkizip, onda Pýtıntseva jeńiske jetken. Eger qazaqstandyq tennısshi Sevastovany utsa, ekinshi aınalymda belgııalyq Marına Zanevskaıa nemese amerıkalyq Hıter Ýotsonnyń qaı jeńgenimen oınaıdy. Al týrnırge arnaıy shaqyrtý alǵan taǵy bir qazaqstandyq, álemniń 130-ynshy raketkasy Zarına Dııas 4 shilde kúni dúnıejúzilik reıtıngte ózinen on saty joǵary turǵan qytaılyq Sınıýn Hanmen kúsh synasady. Buǵan deıin qarsylastar úsh match ótkizip, bárinde de Zarına utqan. Bul juptyń jeńimpazy kelesi kezdesýin álemniń 17-inshi raketkasy Anastasııa Pavlıýchenkova nemese orys elinde týyp-óskenmen, Avstralııanyń namysyn qorǵap júrgen Arına Rodıonovanyń bireýimen ótkizedi. Qazaqstandyq ıAroslava Shvedova jaraqatyna baılanysty Ýımbldon týrnırine qatyspaıdy.
Erler arasyndaǵy synda 3 shilde kúni kortqa alǵashqy bolyp, osy týrnırdiń eki márte jeńimpazy, álemniń birinshi raketkasy, ulybrıtanııalyq Endı Marreı men qazaqstandyq Aleksandr Býblık shyǵady. Álemdik reıtıngte 134-inshi orynda turǵan A.Býblık irikteý saıysynyń fınalynda jeńilip qalǵanymen, týrnırge lakı-lýzer retinde arnaıy shaqyrtý alǵan. Endi, mine, jerebe boıynsha birden álemniń eń mańdaıaldy tennısshisimen sheberlik baıqaspaqshy. Qazaqstannyń birinshi, álemniń 118-inshi raketkasy Mıhaıl Kýkýshkın 4 shilde kúni dúnıejúzilik reıtıngte 89-ynshy satyda kele jatqan japonııalyq Denıel Taromen kezdesedi. Eger ony utqan jaǵdaıda ekinshi aınalymda osy týrnırde 27-inshi bolyp tirkelgen germanııalyq Mısha Zverev nemese avstralııalyq Bernard Tomıchtiń bireýimen kortqa shyǵady.
Aıta keteıik, Ýımbldon týrnıriniń júlde qory áıelder arasynda da, erler arasynda da 41 mln. AQSh dollarynan asady. Sondyqtan tennısshiler sátti oınasa, reıtıngte joǵarylap qana qoımaı, tym-táýir tabys ta tabady.
