TENNIS: Búgin «Rolan Garros» týrnırinde Zarına Dııas ekinshi kezdesýin ótkizedi
ASTANA. QazAqparat - Parıj qalasynda tennısten ótip jatqan «Rolan Garros» týrnırinde jekeleı synda qazaqstandyqtardan jalǵyz Zarına Dııas qana qaldy.
Vesti.kz saıtynan alynǵan málimetke qaraǵanda, Qazaqstannyń birinshi, álemniń 32-inshi raketkasy búgin ekinshi aınalymda dúnıejúzilik satyda 93-inshi orynda turǵan, belgııalyq Alıson van Ýıtvankpen sheberlik baıqasady. «Úlken dýlyǵanyń» biri bolyp esepteletin «Rolan Garrosta» barlyq tennısshiler de tabysty óner kórsetkisi keledi. Sondyqtan baby men baǵy kelisse, reıtıngte tómen turǵandar ataqtylardy aıaq astynan utyp ketip jatady. Qazirdiń ózinde Parıjde álemniń úshinshi jáne altynshy raketkalary, rýmynııalyq Sımona Halep, kanadalyq Ejenı Býshar jarys jolynan shyǵyp qaldy.
Qazaqstandyqtardan jekeleı synda ekinshi aınalymǵa Z.Dııaspen birge ıÝlııa Pýtıntseva da ótken bolatyn. Alaıda dúnıejúzilik reıtıngte 99-ynshy orynda turǵan qazaqstandyq tennısshi álemniń 21-inshi raketkasy, ýkraınalyq Elına Svıtolınadan aılasyn asyra almady. Úsh saǵatqa jýyq ýaqytqa sozylǵan asa tartysty matchta E.Svıtolına 1:6, 7:5, 9:7 esebimen jeńiske jetti.
Aıta keteıik, Zarına juptyq synda da jaqsy óner kórsetýde. Ol qytaılyq Sıýı Ifanmen birge ýkraınalyq Nadejda Kıchenok pen rýmynııalyq Iona Ralýka Olarýdy tize búktirip, ekinshi aınalymǵa shyqty.
