Tennıs: Búgin Nıý-Iorkta US Open týrnıri bastalady
NUR-SULTAN. QazAqparat – Búgin Nıý-Iorkta US Open týrnıri bastalady, dep habarlaıdy QazAqparat tilshisi.
30 tamyz – 12 qyrkúıek aralyǵynda ótetin «Úlken dýlyǵa» jarysynda Qazaqstannan jekeleı synda alty tennısshi baq synaıdy.
Erler arasynda Qazaqstannyń birinshi, álemniń 37-raketkasy Aleksandr Býblık alǵashqy aınalymda dúnıejúzilik reıtıngte 134-orynda turǵan germanııalyq ıAnnık Hanfmanmen kezdesedi.
Reıtıngte 129-oryndaǵy Mıhaıl Kýkýshkın álemniń 74-raketkasy, ıspanııalyq Pablo Andýharmen kortqa shyǵady.
Áıelder arasynda Qazaqstannyń birinshi, álemniń 20-raketkasy Elena Rybakına reıtıngte 90-satydaǵy Belarýs ókili Aleksandra Sasnovıchpen sheberlik baıqasady.
Álemniń 33-raketkasy ıÝlııa Pýtıntsevanyń qarsylasy – reıtıngte 70-oryndaǵy estonııalyq Kaııa Kanepı.
Reıtıngte 110-satyda turǵan Zarına Dııastyń joly álemniń 75-raketkasy, amerıkalyq Amanda Anısımovamen toqaılaspaq.
Qazaqstan áıelder quramasynyń kapıtany, reıtıngte 452-oryndaǵy ıAroslava Shvedova álemniń 99-raketkasy, ıtalııalyq ıAsmın Paolınıdiń shamasyn baıqap kóredi.
AQSh ashyq chempıonatyn uıymdastyrýshylar bıyl aıtýly dodany kórermendermen ótkizgeli otyr.
Ótken jyly US Open pandemııaǵa baılanysty kórermendersiz ótip, erler arasynda aýstrııalyq Domınık Tım, áıelderden japonııalyq Naomı Osaka chempıon atanǵan bolatyn.
Eske sala keteıik, budan buryn qazaqstandyq jas tennısshilerdiń Bishkekte ótken týrnırde chempıon atanǵanyn jazǵan bolatynbyz.
