TENNIS: Búgin Avstralııa ashyq chempıonatynyń alǵashqy aptasy márege jetedi

Chempıonat.kom saıtynan alynǵan málimetke qaraǵanda, áıelder arasynda reseılik, álemniń ekinshi raketkasy Marııa Sharapova dúnıejúzilik satyda 21-inshi orynda turǵan qytaılyq Pen Shýaımen shırek fınalǵa beriler joldamany sarapqa salady. Bular úshinshi aınalymda sáıkesinshe qazaqstandyqtar Zarına Dııas pen ıAroslava Shvedovanyń úmitin úzgen bolatyn.

Taǵy bir reseılik, týrnırdiń 10-ynshy raketkasy Ekaterına Makarova nemis qyzy ıÝlııa Gergesti joldan taıdyrýǵa tyrysyp kórmek. Álemniń úshinshi raketkasy, Rýmynııanyń basty úmiti Sımona Halep kezinde AQSh ashyq chempıonatynyń jartylaı fınalyna deıin jetip, keıin kóp kórinbeı ketken belgııalyq ıAnına Vıkmaıerdi synǵa salady. Ótken jylǵy sátti oıyndarynyń arqasynda álemdik satyda jetinshi orynǵa deıin kóterilgen Kanadanyń jaryq juldyzy Ejenı Býshar taǵy bir rýmynııalyq Irına-Kamelııa Begýmen kortqa shyǵady.

Jalpy, jyldyń birinshi iri jarysynda kútpegen nátıjeler de oryn alyp jatyr. Aıtalyq, serbııalyq sulý, álemniń besinshi raketkasy Ana Ivanovıch alǵashqy aınalymda-aq «ushyp» ketse, keshe chehııalyq, tórtinshi satydaǵy Petra Kvıtova utylyp qaldy. Ony jeńgen amerıkandyq, on toǵyz jasar Medıson Kıs dúısenbi kúni otandasy ári attasy Medıson Brenglmen sheberlik baıqasady. ıAǵnı qazirdiń ózinde keminde bir amerıkandyqtyń shırek fınalǵa shyǵatyny belgili bolyp otyr. Oǵan apaly-sińlili Vınýs pen Serena Ýılıamsty qosyńyz. Kósh tizginin eshkimge bermeı kele jatqan Serena tórtinshi aınalymda ıspandyq Garbın Mýgýrýsadan «ósh alyp» kórmek. Óıtkeni byltyrǵy Rolan Garros jarysynda ataqtyq amerıkandyq dál osy Garbınnen oılamaǵan jerden utylyp qalǵan bolatyn. Sonymen, tórtinshi aınalymda tórt birdeı amerıkandyq tennısshi óner kórsetedi. Kerisinshe úshinshi aınalymǵa deıin jetken Chehııa eliniń tórt birdeı tennısshisi keshe jarys jolynan shyǵyp qaldy.

Erler arasynda búgingi basty match ulybrıtanııalyq, álemniń tórtinshi raketkasy Endı Marreı men bolgarııalyq, úzdik ondyqty túıindep turǵan Grıgor Dımıtrov arasynda ótpek. Grıgordyń Marııa Sharapovanyń dos jigiti ekeni de belgili. Sondaı-aq, atyshýly ıspandyq, álemniń úshinshi raketkasy Rafael Nadal ońtústikafrıkalyq Kevın Andersondy jeńse, shırek fınalǵa shyǵady.

Ekinshi aınalymda R.Nadal kóp eshkim bile bermeıtin amerıkandyq Tım Smychıkten jeńilip qala jazdaǵan bolatyn. Erlerden serbııalyq, álemdik kóshti bastaýshy Novak Djokovıch pen Avstralııa ashyq chempıonatynyń ótken jylǵy jeńimpazy, shveıtsarııalyq Stanıslas Vavrınka ázirge qamshy saldyrmaı keledi. Esesine taǵy bir shveıtsarııalyq, osyndaı iri jarystarda talaı bas júldeni qanjyǵasyna baılaǵan, qazir álemdik reıtıngte ekinshi oryndaǵy Rodjer Federer úshinshi aınalymda ıtalıandyq Andreas Seppıge qarsy tura almady. Bul qaı básekeniń de eshkimniń ataq-dańqyna qaramaıtynyn kórsetedi.

Sonymen, búgin Avstralııa ashyq chempıonatynyń alǵashqy aptasy márege jetedi. Bas júldeden úmitkerler birte-birte azaıa bermek. Áıelder arasyndaǵy fınal 31 qańtarǵa belgilense, birinshilikti erler 1 aqpan kúni túıindeıdi.

Aıta keteıik, atalmysh chempıonatta qazaqstandyqtardan jekeleı, juptyq synda jáne mıkste de eshkim qalǵan joq.