Tennıs: Býblık Venada negizgi týrnırge óte almady
NUR-SULTAN. QazAqparat - Qazaqstandyq Aleksandr Býblık Venada negizgi týrnırge óte almady, dep habarlaıdy QazAqparat tilshisi.
Qazaqstannyń birinshi, álemniń 48-raketkasy A.Býblık irikteý saıystarynyń fınalynda reıtıngte 93-orynda turǵan bosnııalyq Damır Djýmhýrmen kezdesti.
Birinshi partııada bosnııalyq tennısshi 6:3 esebimen basymdylyq kórsetse, ekinshisinde A.Býblık dál sondaı eseppen ese qaıyrdy.
Úshinshi, sheshýshi sette D.Djýmhýr des bergen joq - 6:1.
Báseke 1 saǵat 35 mınýtqa sozyldy.
Júlde qory 2,4 mln AQSh dollarynan asatyn Vena týrnıri 27 qazanda márege jetedi. Onda taǵy bir qazaqstandyq, reıtıngte 58-satydaǵy Mıhaıl Kýkýshkın óner kórsetedi. Ol alǵashqy aınalymda álemniń 22-raketkasy, horvatııalyq Borna Chorıchpen sheberlik baıqasady.
Eske sala keteıik , budan buryn A.Býblıktiń Venada irikteý saıysyn sátti bastaǵanyn, al E.Rybakınanyń Lıýksembýrg týrnıriniń fınalyna shyǵa almaǵanyn jazǵan bolatynbyz.
