Tennıs: Býblık Vena týrnıriniń irikteý saıysyn sátti bastady
NUR-SULTAN. QazAqparat – Qazaqstannyń birinshi, álemniń 48-raketkasy Aleksandr Býblık Vena ATP týrnıriniń irikteý saıysyn sátti bastady, dep habarlaıdy QazAqparat tilshisi.
Іrikteý saıysynyń 1-raketkasy bolyp tirkelgen qazaqstandyq tennısshi dúnıejúzilik reıtıngte 91-orynda turǵan Polsha ókili Kamıl Maıchrzakpen kezdesti.
Taı-breıkke deıin jetken birinshi partııada A.Býblık tarazy basyn ózine aýdara bildi – 7:6 (7:1).
Ekinshi sette de basymdylyq tanyta aldy – 6:4.
Báseke 1 saǵat 18 mınýtqa sozyldy.
A.Býblık irikteý saıystarynyń fınalynda álemniń 78-raketkasy, chılılik Nıkolas Harrı nemese reıtıngte 93-satydaǵy bosnııalyq Damır Djýmhýrdyń bireýimen sheberlik baıqasady. Eger odan sátti ótse, negizgi týrnırge joldama alady.
Eske sala keteıik, budan buryn Elena Rybakına Lıýksembýrg týrnıriniń jartylaı fınalyna shyqqan bolatyn. Ol búgin álemniń 26-raketkasy, germanııalyq ıÝlııa Gergespen fınaldyń joldamasyn sarapqa salady.
