Tennıs: Býblık Rotterdamda álemniń jetinshi raketkasyn utty
NUR-SULTAN. QazAqparat – Qazaqstannyń birinshi, álemniń 43-raketkasy Aleksandr Býblık Rotterdam (Nıderlandy) ATP 500 týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi bastapqy kezdesýin álemniń jetinshi, osy dodanyń 3-raketkasy, germanııalyq Aleksandr Zverevpen ótkizdi.
A.Býblık 1 saǵat 18 mınýtqa sozylǵan matchta 7:5, 6:3 esebimen jeńiske jetti.
Qazaqstandyq tennısshi báseke barysynda 5 eıs, 4 breık jasaı aldy.
A.Býblık shırek fınalǵa shyǵý úshin reıtıngte 56-orynda turǵan amerıkalyq Tommı Pol nemese álemniń 35-raketkasy, ıtalııalyq Lorentso Sonegonyń bireýimen talasady.
Jalpy júlde qory 1 mln 117,9 myń eýroǵa baǵalanǵan aıtýly jarys 7 naýryzda márege jetedi.
Eske sala keteıik, budan buryn qazaqstandyq tennısshiniń Nur-Sultan týrnıriniń shırek fınalyna shyqqanyn jazǵan bolatynbyz.
