Tennıs: Býblık Rotterdam týrnıriniń ekinshi aınalymyna shyqty
NUR-SULTAN. QazAqparat – Qazaqstannyń birinshi, álemniń 56-raketkasy Aleksandr Býblık Rotterdam (Nıderlandy) ATP týrnıriniń ekinshi aınalymyna shyqty, dep habarlaıdy QazAqparat tilshisi.
A.Býblık bastapqy kezdesýin reıtıngte 90-orynda turǵan, negizgi týrnırge irikteý saıystarynan keıin qosylǵan frantsııalyq Gregýar Barrermen ótkizdi.
Birinshi sette qazaqstandyq tennısshi basymdyq kórsetti – 6:3.
Ekinshi partııa tartysty órbip, taı-breık Barrerdiń paıdasyna sheshildi – 7:6 (7:2).
Sheshýshi, úshinshi setti Býblık jeńispen támamdaı bildi – 6:4.
Tartysty báseke 1 saǵat 47 mınýtqa sozyldy.
A.Býblık shırek fınalǵa shyǵý úshin álemniń 15-raketkasy, reseılik Andreı Rýblev nemese reıtıngte 28-orynda turǵan grýzııalyq Nıkoloz Basılashvılıdiń bireýimen talasady.
Taǵy bir qazaqstandyq Mıhaıl Kýkýshkın alǵashqy aınalymda frantsııalyq Jıl Sımonmen sheberlik baıqasady.
Eske sala keteıik, budan buryn Elena Rybakınanyń Sankt-Peterbýrg týrnırin jeńispen bastaǵanyn jazǵan bolatynbyz.
