Tennıs: Býblık Rolan Garros týrnırinde utylyp qaldy
NUR-SULTAN. QazAqparat – Qazaqstannyń birinshi, álemniń 49-raketkasy Aleksandr Býblık Rolan Garros týrnıriniń úshinshi aınalymyna óte almady, dep habarlaıdy QazAqparat tilshisi.
Bastapqy kezdesýinde álemniń 9-raketkasy, frantsııalyq Gael Monfısti utyp, kútpegen nátıje kórsetken qazaqstandyq tennısshi sol jeńisti jolyn jalǵastyra almady.
Bul joly A.Býblıkke álemniń 46-raketkasy, ıtalııalyq Lorentso Sonego qarsy turdy.
Birinshi partııa qarsylastar qatty tiresip, taı-breıkke deıin jetti, onda L.Sonego ábjildik tanytty – 7:6 (10:8).
Italııalyq tennısshi ekinshi setti ońaı aldy – 6:1.
Úshinshi partııada esep 5:3 bolyp, Sonego matchqa dop bergende, Býblık breık jasaı aldy. Alaıda qarsylasy matchty taǵy bir breıkpen túıindedi – 7:5.
Birshama tartysty órbigen oıyn 2 saǵat 24 mınýtqa sozyldy.
L.Sonego úshinshi aınalymda álemniń 30-raketkasy, amerıkalyq Teılor Frıttspen kúsh synasady. Ol moldovalyq Radý Albotty 6:3, 6:2, 6:4 esebimen tize búktirdi.
Osylaısha Frantsııa ashyq chempıonatynda jekeleı synda Qazaqstannan Elena Rybakına ǵana qaldy.
Eske sala keteıik, budan buryn E.Rybakınanyń týrnırdi sátti bastaǵanyn , al Z.Dııastyń jeńilip qal yp, ıÝ.Pýtıntsevanyń úshinshi aınalymǵa shyǵa alma ǵanyn jazǵan bolatynbyz.
Búgin M.Kýkýshkın de jarys jolynan shyǵyp qaldy.
