Tennıs: Býblık «Rolan Garros» týrnırin jeńispen bastady
NUR-SULTAN. QazAqparat - Qazaqstandyq Aleksandr Býblık "Rolan Garros" týrnırin jeńispen bastady, dep habarlaıdy QazAqparat tilshisi.
Dúnıejúzilik reıtıngte 91-orynda turǵan qazaqstandyq sportshy jarysqa irikteý saıystarynan keıin qosylǵan álemniń 173-raketkasy, germanııalyq Rýdolf Mollekermen kezdesti.
Tartysty órbigen matchta A.Býblık 7:5, 6:7 (4:7), 6:1, 7:6 (7:2) esebimen jeńiske jetti.
Báseke 2 saǵat 37 mınýtqa sozyldy.
A.Býblık ekinshi aınalymda álemniń 4-raketkasy, aýstrııalyq Domınık Tım nemese reıtıngte 131-satydaǵy amerıkalyq Tomash Poldyń bireýimen sheberlik baıqasady.
Eske sala keteıik, budan buryn "Rolan Garros" týrnıriniń bastalatynyn, áıelder arasynda Zarına Dııastyń ekinshi aınalymǵa shyqqanyn jazǵan bolatynbyz.
