Tennıs: Býblık Rım masters týrnırinde utylyp qaldy
NUR-SULTAN. QazAqparat – Qazaqstannyń birinshi, álemniń 56-raketkasy Aleksandr Býblık Rım ATP masters týrnıriniń ekinshi aınalymyna óte almady, dep habarlaıdy QazAqparat tilshisi.
A.Býblık alǵashqy aınalymda álemniń 40-raketkasy, 2014 jylǵy US Open jarysynyń jeńimpazy, horvatııalyq Marın Chılıchpen kúsh synasty.
Birinshi partııada qarsylastar birin-biri ala almaı, másele taı-breıkte sheshildi, munda qazaqstandyq tennısshi ábjildik kórsetti – 7:6 (7:4).
Esesine ekinshi sette horvatııalyq sportshy basym boldy – 6:2. Úshinshi, sheshýshi partııada da ol 4:2 esebimen alǵa ketti. Aqyry M.Chılıch matchty jeńispen túıindeı bildi – 6:4.
Tartysty báseke 2 saǵat 14 mınýtqa sozyldy.
M.Chılıch júlde qory 3,8 mln eýrony quraıtyn dodanyń ekinshi aınalymynda álemniń 11-raketkasy, belgııalyq Davıd Goffenmen kortqa shyǵady.
Eske sala keteıik, ıÝlııa Pýtıntseva reıtıngide úzdik otyzdyqqa ilikti, al Elena Rybakına Rım týrnırin jeńispen bastaǵan bolatyn.
