Tennıs: Býblık pen Zarına Dııas Vashıngton týrnırine qatysady
NUR-SULTAN. QazAqparat – Qazaqstandyqtar Aleksandr Býblık pen Zarına Dııas Vashıngton týrnırine qatysady, dep habarlaıdy QazAqparat tilshisi.
Álemniń 71-raketkasy A.Býblık alǵashqy aınalymda amerıkalyq, reıtıngte 94-orynda turǵan Bredlı Klanmen kúsh synasady.
Qazirgi irikteý saıystary ótip jatqan ATP týrnıri 4 tamyzda márege jetedi.
Sol sekildi Vashıngton WTA týrnırinde (júlde qory – 250 myń AQSh dollary) Zarına Dııas óner kórsetedi. Reıtıngte 84-satydaǵy Zarınanyń qarsylasy irikteý saıysy jeńimpazdarynyń biri bolmaq.
Álemniń 8-raketkasy, amerıkalyq Sloan Stıvens bastaǵan biraz myqtylar qatysatyn bul doda da 4 tamyz kúni aıaqtalyp, jeńimpaz belgili bolady.
Taǵy bir qazaqstandyq, álemniń 45-raketkasy Mıhaıl Kýkýshkın Los Kabos (Meksıka) ATP jarysynda baq synaıdy. Onyń qarsylasy – reıtıngte 92-oryndaǵy bosnııalyq Damır Djýmhýr.
Bul báseke 5 tamyzda bitpek.
Osy jarystardyń bári de Nıý-Iorkte 26 tamyz – 8 qyrkúıek aralyǵynda ótetin «Úlken dýlyǵanyń» sońǵysy –US Open týrnırine daıyndyq bolyp esepteledi.
Eske sala keteıik, budan buryn Galına Voskoboevanyń juptyq synda ıÝrmala týrnıriniń fınalyna shyqqanyn, Andreı Golýbev pen Aleksandr Nedovesovtiń Praga jarysynyń fınalynda jeńilip qalǵanyn jazǵan bolatynbyz.
